«Anyk habarda» hepdäniň jemi!

10-njy iýulda Türkmenistanyň Prezidenti Ministrler Kabinetiniň giňişleýin mejlisini geçirdi. Onda şu ýylyň geçen alty aýynda alnyp barlan işleriň jemleri jemlenildi.

Şamyradow Türkmenistanyň Medeniýet ministri wezipesinden boşadyldy. Bu wezipä 6 aý synag möhleti bilen G.Myradalyýew bellenildi.

Başga işe geçmegi sebäpli G.Garlyýew «Türkmengeologiýa» döwlet korporasiýasynyň başlygy wezipesinden boşadyldy. Bu wezipä B.Amanow bellenildi we ol «Türkmengaz» döwlet konsernleriniň başlygynyň orunbasary wezipesinden boşadyldy.

Eger-de Siz tomusky dynç alyşda «Awaza» milli syýahatçylyk zolagyndaky myhmanhanalarda ýerleşmek isleýän bolsaňyz, habarlaşmak üçin olaryň telefon belgilerini «Anyk habar» internet saýtymyzdan alyp bilersiňiz.

«EUROMEDIA 24» internet saýtynyň habar bermegine görä, Nýu-Ýork şäherinde adatdan daşary yssy howa sebäpli köçeleriň ýol düşegi eräp başlady.

Türkmenistanyň Gurluşyk we binagärlik ministrligi Garabogaz şäherinde 30 orunlyk hassahananyň döwrebap binasyny gurmak üçin bäsleşik yglan etdi.

Aşgabatdaky Ýewropada Howpsuzlyk we Hyzmatdaşlyk Guramasy merkezi sürüji wezipesine dalaşgärleri işe çagyrýar. Aýlyk zähmet haky aýda 773 ýewro möçberinde kesgitlenendir.